艺人陈山聪与李施嬅出席TVB新剧《金宵大厦》宣传，山聪透露拍摄时曾发生灵异事，虽然并非发生自己身上，但也感到毛管戙。

他说：“有晚助导去一个后巷拍一场CCTV戏份，喺佢Set完机行番出去，架车冇啦啦爆軚，冇耐仲落雨，到拍完返去收机，就见到个白影同埋嘭一声，有只死老鼠跌落嚟，我唔敢睇Playback啦！”

施嬅则澄清剧集围绕奇幻、浪漫及激情，并非恐怖故事，更笑指该剧为山聪首套担正男一，曾建议若对方凭该剧攞视帝便要结婚，没料如今婚期已定，山聪对此笑说：“唔使攞都ok。（公司唔畀呢？）咁10年后先攞都唔定呢，其实今次再同施嬅合作好开心，希望佢今年可以攞视后。”