TVB上紧位嘅小花并唔少

比如话啱啱结束嘅 《大酱园》

就有 龚嘉欣、江嘉敏

尤其是啊龚嘉欣

虽然佢好多八卦新闻

但演技真係抵赞

继 《幕后玩家》Carmen后

又获得 细幺呢个代表角色

but

讲到人见人爱

绯闻都唔多嘅上位小花

就要讲下 《法证4》嘅 靓汤啦

大家都G《法证4》

因为啊黄小姐重拍过

佢个角色换成靓汤出演

即係而家嘅 徐意

换角嘅时候

网友嘅意见都几赞成

路人睇完都觉得靓汤唔错

证明真係无换错人

因为剧集热播

靓汤嘅出镜率都高咗

早前同一班《法证4》嘅演员

一齐上咗 《流行经典50年》

（点击听下靓汤唱歌）

?

靓汤唔係歌手

今次亦係第一次喺TVB献唱

不过观众听完反应都唔错

仲赞佢把声好听！

靓汤观众缘咁好

公司对佢都唔差噶

最近就话开拍一出 古装神话剧

俾个女主角佢做！

剧集会讲济公嘅故事

拍档有 萧正楠、沈震轩

沈震轩都好耐无返TVB拍剧

唔G今次拍古装

会唔会有焕然一新嘅感觉呢？

至于粉丝方面

知道又可以睇靓汤嘅戏

个个都好开心

well

讲到古装神话剧

又勾起可乐君好多煲剧回忆

你哋睇过边D经典呢？

不如一齐回顾下！

?

1996年 《西游记》

张卫健、江华、

黎耀祥、麦包主演

80、90童年嘅经典孙悟空

肯定係呢一版

而且呢出剧真係好搞笑

好啱合家欢一齐睇

1999年 《人龙传说》

陈浩民、袁洁莹主演

讲嘅係龙女与人类相爱嘅故事

当年袁洁莹真係好正

纯品嘅龙女&人龙虐恋嘅剧情

可乐君到而家都印象深刻

2001 《封神榜》

陈浩民主演again

佢真係TVB神话专业户

讲到全剧吸睛嘅

当然係 温碧霞饰演嘅妲己

佢演呢个角色

大家都明晒纣王点解咁冧佢

2008年 《搜神传》

由陈锦鸿、陈浩民、钟嘉欣主演

讲三个主角降妖伏魔

最后变成“福、禄、寿”嘅故事

大家仲记唔记得

嘉欣BB角色嗰句口头禅

“笑口常开，好彩自然来”

哇，真係自动脑补语音！

仲有佢唱嘅主题曲《发誓》？

首歌係K房必唱之一啊

讲开又讲

靓汤古装造型

大家睇过 《丫鬟大联盟》

都知道唔错嘅

但係拍神话剧

靓汤会唔会继承类似

袁洁莹、钟嘉欣嘅孖辫造型

显示女主角天真无邪？

可乐君都好想G！

新剧预计今个月开拍

今年未必有得睇

想睇都要慢慢等下啦！

讲到呢度

大家觉得靓汤点？

你最like嘅神话剧又係边部咧？

资料来源：艺人社交平台

微博、埋堆堆

影视剧照

编辑：Junko