情侣档，

无论边个年代，

边个次元，

都好兴，好受欢迎~~~

TVB嘅情侣档，

年年都后浪推前浪，

最令人难忘嘅，

一定係 林峯啦！！

同叶璇pair古装，

最有韵味，

同徐子珊，

最有默契，

同钟嘉欣，

最虐恋（？）！！！

同佘诗曼，

唔使讲，

最经典啦！！！！

But，林峯已经係前浪啦，

最近最新嘅

情侣档係

张振朗同 蔡思贝呢pair啦！！！

《机场特警》完结，

佢哋嘅关系……

结局开放式咗，

都几……唔知点咁。

蔡思贝好醒目，

佢即刻po咗

佢哋两个嘅合照花絮，

感谢张振朗：

“谢谢你，能够交个背脊畀大家嘅好拍档。”

佢哋呢pair，

大家爱唔爱睇？？？

事关宜家佢哋继续孖住上，

再拍《踩过界II》，

继续係以拍档/情侣档嘅姿态，

出现係公仔箱。

呢一pair，

算係捧得最劲噶啦，

但係佢哋嘅火花，

似乎唔多强，

有啲啲转咗好兄弟feel，

But可能係宜家都兴咁？？？

先兄弟，后情人？？？

另一边厢，

正在拍摄嘅

《BB大晒》，

係 马明搭配 岑丽香！！！

岑丽香够晒sweet，

马明又出名好男人，

佢哋喺《为食神探》度

已经有一齐出现过，

火花OK噶！！！！

咁 何广沛同 朱晨丽呢？？？

《大酱园》完咗之后，

佢哋拍《3日2夜》

继续以情侣档出现，

佢哋继续玩得好sweet sweet，

观感都OK啊！！！

而且佢哋两个都未结婚，

戏外嘅话题都可以做到效果~~

《大酱园》奸人

龚嘉欣，

最新嘅拍档係

罗天宇，

係接下来所有剧之中，

摞正牌嘅情侣剧，

《香港爱情故事》，

佢哋两个都表示合作好愉快，

呢一pair摆埋一齐，

大家觉得如何？？？？？？

首先外形OK养眼先啦！！！！

高Ling同 杨明呢pair，

喺《婚姻合伙人》度

大家反映唔错噶！！！！

尽管好多人话套剧剧情

太跳跃，

唔係好明，

但係都无阻大家欣赏高Ling喔！！！

接下来会播嘅《迷网》，

都係会以呢个搭配出现，

应该会唔错吧？？？？？？

情侣档呢条桥係work嘅，

But，

都係要睇佢哋够唔够演技，

去将火花演绎出来。

好多演员啱出道时演技麻麻，

经过历练，宜家进步好大啊！

努力嘅演员，

一定会有好嘅回报！！

大家都係，

努力嘅你，一定会有收获！！！

资料来源：剧照

编辑：JZ

*文中图片如涉及侵权请联系，立即删除

▼

▼